ជនជាតិភាគតិចការ៉ែនជាង៦០នាក់ដែលភៀសខ្លួននៅថៃចង់វិលមកផ្ទះសម្បែងខ្លួននៅភូមាវិញ
ជនជាតិភាគតិចការ៉ែន វិលត្រឡប់មកភូមាវិញបន្ទាប់ពីបាននិរទេសខ្លួនអស់ជាច្រើនទស្សវត្តន៍មក។ ស្នងការជាន់ខ្ពស់របស់អ.ស.ប.ទទួលបន្ទុកជនភៀសខ្លួន បានធ្វើមាតុភូមិនិវត្តន៍ ក្រុមជនភៀសខ្លួនភូមាលើកតំបូងចេញពីប្រទេសថៃ។ ពួកគេបានរត់ភៀសខ្លួនចេញពីភូមាដោយសារសង្គ្រាមស៊ីវីលនៅក្នុងប្រទេសកាលពី២០ឬ៣០ឆ្នាំមុននិងប្រាថ្នាចង់វិលចូលផ្ទះសម្បែងខ្លួនវិញនៅភូមា។ ភូមានិងថៃ បានព្រមព្រៀងគ្នាក្នុងការចាត់ចែងកិច្ចការមាតុភូមិនិវត្តន៍ផ្សេងៗទៀតនៅពេលខាងមុខ។ ក៏ប៉ុន្តែ ជនភៀសខ្លួនដែលមានបំណងចង់ចូលក្នុងស្រុកពិតប្រាកដនោះ ពុំសូវមានចំនួនច្រើនឡើយ។
ក្រុមជនភៀសខ្លួនដែលជាជនជាតិភាគតិចការ៉ែនដើមកំណើតនៅភូមា មានគ្នាប្រមាណជាង៦០នាក់និងប្រាថ្នាចង់វិលត្រឡប់ទៅកាន់ផ្ទះសម្បែងខ្លួនវិញដែលស្ថិតនៅក្នុងរដ្ឋការ៉ែន តំបន់មួយនៅភាគខាងកើតភូមា។ ពួកគេ បានភៀសខ្លួនពីភូមាតាំងពីច្រើនទស្សវត្តន៍មកហើយនៅខណៈពេលដែលទាហានភូមា បានធ្វើការវាយប្រយុទ្ធប្រឆាំងទល់នឹងក្រុមឧទ្ទាមជាតិពិន្ធុមួយនៅក្នុងតំបន់។ នៅខណៈនោះ ពួកទាហានភូមា ត្រូវបានគេចោទថា បានរំលោភសិទ្ធិមនុស្សដ៏លើសលុប។
ការធ្វើមាតុភូមិនិវត្តន៍ ជាលើកទីមួយនេះ ត្រូវប្រព្រឹត្តទៅនៅខណៈពេលដែលតំបន់នានាក្នុងប្រទេសភូមានៅតែពុំទាន់មានសុវត្ថិភាព តំបន់ដែលក្រុមជនភៀសខ្លួននឹងត្រូវចូលទៅរស់នៅជាថ្មីឡើងវិញ។
ចាប់តាំងពីខែសីហាកន្លងមក ក្រុមឧទ្ទាមដែលមានជាតិពិន្ធុការ៉ែននិងមានកងប្រដាប់អាវុធខ្លួនប្រមាណជាង២០០នាក់ បានធ្វើសកម្មភាពទ័ពព្រៃ វាយប្រយុទ្ធតតាំងជាមួយកងទ័ពភូមា និងទ័ពឆ្មាំនៅព្រំដែន។ ហើយប្រជាជនដែលរស់នៅតាមតំបន់មានសង្គ្រាម ប្រមាណជា ៥០០០នាក់ បានរត់ភៀសខ្លួនចេញពីទីភូមិនានាក្នុងរដ្ឋការ៉ែន។
ម្យ៉ាងទៀត ជនបន្លាស់ទីលំនៅថ្មីទាំងនោះ ក៏នៅពុំទាន់ហ៊ានវិលចូលទៅស្រុកកំណើតខ្លួននៅឡើយដែរ ដោយពួកគេ បានអះអាងថា ដីស្រែចំការរបស់ពួកគេសុទ្ធតែមានបង្កប់ទៅដោយគ្រាប់បែកមីន។
រីឯស្នងការជាន់ខ្ពស់ទទួលបន្ទុកជនភៀសខ្លួនវិញ ក៏មានការយល់ស្របនៅលើចំណុចនេះដែរ ដោយអះអាងថា “ស្ថានភាពនាពេលនេះ ពុំមែនជាកាលដ៏គួរមួយឡើយនៅក្នុងការចាត់ចែងធ្វើមាតុភូមិនិវត្តន៍ជនភៀសខ្លួន។
យោងតាមស្នងការជាន់ខ្ពស់ទទួលបន្ទុកខាងជនភៀសខ្លួនដដែល ប្រជាជនភូមាជាង១០ម៉ឺននាក់ កំពុងតែរស់នៅក្នុងជំរំជនភៀសខ្លួនចំនួន៩កន្លែងដែលស្ថិតនៅតាមព្រំដែនរវាងភូមានិងថៃ៕
ចាប់តាំងពីខែសីហាកន្លងមក ក្រុមឧទ្ទាមដែលមានជាតិពិន្ធុការ៉ែននិងមានកងប្រដាប់អាវុធខ្លួនប្រមាណជាង២០០នាក់ បានធ្វើសកម្មភាពទ័ពព្រៃ វាយប្រយុទ្ធតតាំងជាមួយកងទ័ពភូមា និងទ័ពឆ្មាំនៅព្រំដែន។ ហើយប្រជាជនដែលរស់នៅតាមតំបន់មានសង្គ្រាម ប្រមាណជា ៥០០០នាក់ បានរត់ភៀសខ្លួនចេញពីទីភូមិនានាក្នុងរដ្ឋការ៉ែន។
ម្យ៉ាងទៀត ជនបន្លាស់ទីលំនៅថ្មីទាំងនោះ ក៏នៅពុំទាន់ហ៊ានវិលចូលទៅស្រុកកំណើតខ្លួននៅឡើយដែរ ដោយពួកគេ បានអះអាងថា ដីស្រែចំការរបស់ពួកគេសុទ្ធតែមានបង្កប់ទៅដោយគ្រាប់បែកមីន។
រីឯស្នងការជាន់ខ្ពស់ទទួលបន្ទុកជនភៀសខ្លួនវិញ ក៏មានការយល់ស្របនៅលើចំណុចនេះដែរ ដោយអះអាងថា “ស្ថានភាពនាពេលនេះ ពុំមែនជាកាលដ៏គួរមួយឡើយនៅក្នុងការចាត់ចែងធ្វើមាតុភូមិនិវត្តន៍ជនភៀសខ្លួន។
យោងតាមស្នងការជាន់ខ្ពស់ទទួលបន្ទុកខាងជនភៀសខ្លួនដដែល ប្រជាជនភូមាជាង១០ម៉ឺននាក់ កំពុងតែរស់នៅក្នុងជំរំជនភៀសខ្លួនចំនួន៩កន្លែងដែលស្ថិតនៅតាមព្រំដែនរវាងភូមានិងថៃ៕
ជនជាតិភាគតិចការ៉ែនជាង៦០នាក់ដែលភៀសខ្លួននៅថៃចង់វិលមកផ្ទះសម្បែងខ្លួននៅភូមាវិញ
Reviewed by TTM-TV
on
8:51 AM
Rating:
Reviewed by TTM-TV
on
8:51 AM
Rating:
No comments: